Mark Crawford, kreu i Dhomës Amerikane të Tregtisë, tha për mediat, se kriza politike në Shqipëri shkakton frikë te investitorët e huaj në vend, duke iu referuar protestës së fundit të opozitës si edhe përplasjeve të forta midis maxhorancës dhe qeverisë.
Sipas Crawford “situata aktuale sjell një ngërç, i cili bën që bizneset të cilat po investojnë në Shqipëri, të presin derisa klima politike të qetësohet.”
Një nga shqetësimet me kryesore për Dhomën Amerikane është “protesta dhe destabiliteti politik, ku nuk dihet se çfarë do të ndodhë më pas, largon investitorët që e shohin Shqipërinë si një vend potencial për të ardhur dhe ngritur biznes.”
Crawford hoqi edhe një paralele midis asaj që ndodh në Shqipëri dhe në Amerikë.
“Mosmarrëveshje ka edhe në Shtetet e Bashkuara të Amerikës, por ato nuk përfundojnë me prishje të qeverisë, e se çdo gjë që do të ndodhë në Shqipëri do të jetë një pasqyrë për investitorët e huaj.” Dl/ Opinion.al
