Të paktën 25 persona kanë humbur jetën dhe qindra të tjerë janë plagosur nga shpërthimi i vullkanit në Guatemala.
Vullkani ‘Fuego’, rreth 40 km në jug-perëndim të qytetit të Guatemalës, të dielën, nxori gaz dhe re të madha hiri në qiell.
Reja e madhe e hirit mbuloi me shpejtësi fshatrat, duke vrarë njerëz brenda shtëpive. Qindra të tjerë janë plagosur dhe shumë janë raportuar të humbur.
Aeroporti kryesor i vendit është mbyllur.
Presidenti Jimmy Morales shpalli tri ditë zie kombëtare.
Në një deklaratë të dielën vonë, Morales foli për ‘dhimbjen e thellë’ të vendit që shkaktoi humbje të pariparueshme në jetë njerëzore.
