Mbrëmjen e djeshme, afër mesnatës ka ndodhur një incident i rrezikshëm. “Të fortët” e Elbasanit kanë përplasur makinën e policisë, pasi kjo e fundit po ushtronte një kontroll për bllokimin e mjeteve të trafikuara. Lideri demokrat deklaroi sot se autori është dhëndri i kryebashkiakut të Elbasanit, Qazim Sejdia.
Policia e Shtetit përmes një njoftimi për mediat bën të ditur se: “Në lagjen “Dyli Haxhire” efektivat e policisë kanë ushtruar kontroll në automjetin me targa AA 040 OJ, mjet luksoz me një vlerë rreth 100.000 Euro. Drejtuesit të mjetit iu kërkua që të shoqërohej në komisariat për verifikim të dokumentacionit. Në momentin që mjeti po shoqërohej nga grupi Shqiponjat dhe nga një Patrullë Policie, një mjet tjetër tip “Audi” vjen me shpejtësi dhe godet mjetin e Policisë me targa MB 002 AA. Më pas mjeti që goditi Policinë u fut në Tregun Ushqimor. Audi dyshohet se është i blinduar. Policia ka bërë shoqërimin e disa personave që kanë qenë në ambientet e Tregut. Policia ka rrethuar vendngjarjen dhe po kryen veprimet proçeduriale për dokumentimin e kësaj ngjarje”.
Kështu deklaron Policia e Shtetit pa dhënë shumë detaje mbi personat që kryen aktin e rëndë ndaj saj. E pyetur nga Opinion.al për autorët e ngjarjes dhe personat që janë shoqëruar në komisariat, policia tha po bëhen verifikimet dhe nuk të japë më shumë informacion rreth identitetit të autorëve. Pritet që gjatë ditës të mësohen detaje rreth kësaj ngjarje të rëndë.
Denoncimi sot në mëngjes i liderit demorakt Lulzim Basha
Kur krimi i veshur me pushtet dhunon vete policine, vetingu duhet te nise nga kryeministri, ministri i brendshem e kryebashkiaket te bere njesh me bandat: “Kryetar mirmbrema. Sot ne Elbasan dhendri i Qazim Sejdinit, Sokol Sanxhaktari me Suel Celen me makine te blinduar kane goditur makinen e zv.drejtorit te policise Elbasan. Kjo pasi nje pike kontrolli ka kontrolluar disa ushtare te tyre.”
/Opinion.al
