Në ditën e parë të fillimit të ri shkollor ministrja e Arsimi Besa Shahini njoftoi largimin e saj nga kabineti qeveritar.
Shahini u zëvendësua nga deputetja e PS, Evis Kushi. Lajmi për ndryshimet në ministrinë e arsimit u bë i ditur gjatë një transmetimi “Live” në faqen zyrtare të “Facebook” të kryeministrit Edi Rama.
Pas largimit, Shahini është shprehur se largimin e saj e ka diskutuar me kryeministrin që në muajin korrik dhe se i ka dhënë kohë atij për të gjetur zëvendësuesen e saj.
Shahini thotë se largimi i saj në ditën e parë të fillimit të vitit të ri shkollor nuk ka ndonjë simbolik.
“Në fillim të korrikut kemi filluar një bisedë me kryeministrin, ku i thashë se nësë nuk mund të vazhdohet për një mandat tjetër, më mirë të jetë dikush tjetër. Kërkova lirimin, por isha e gatshme të punoja deri në zëvendësimin tim. Nuk ishte dorëheqje e menjëhershme, i lashë lirinë Ramës të zgjidhte. Kam kërkuar të lirohem në fillim të korrikut, kemi diskutuar që mund të jetë në fund të shtatorit. Pse ditën e parë , mendoj që duhet të pyesni kryeministrin për këtë, sepse për ditën e parë të shkollës kemi kohë që punojme. Është marrë një vendim dhe është zbatuar sot, nuk ka simbolik largimi i sotëm”,- tha Shahini./ Opinion.al
