Me afrimin e muajve të plazhit kanë nisur edhe përgatitjet për sezonin turistik veror.
Pas pastrimit të vijës bregdetare nga leshterikët dhe papastërtitë urbane, në plazhet e Durrësit po punohet për shtrirjen e shtresave të rërës dhe dezinfektimin sezonal.
Sipas të dhënave të marra nga bashkia e këtij qyteti, në 40 hektarë sipërfaqe bregdetare po punohet për plugimin dhe dezinfektimin e rërës.
Puna është shtrirë fillimisht në plazhin publik të Durrësit, për të vijuar më tej edhe në zona të tjera turistike në të gjithë bashkinë.
Paralelisht përgatitjen për sezonin kanë nisur edhe në vijnë bregdetare të Lezhës.
Autoritetet shprehen se ky sezon veror pritet të jetë nga më të mirët për turizmin në Shqipëri.
Vetëm në 4 muajt e parë të vitit, 1.7 milion të huaj kanë hyrë në Shqipëri, 57% më shumë se po e njëjta periudhë e vitit të kaluar./ Tv Klan
