Pas akuzave të ish-ministres së Jashtme greke Dora Bakoyannis se Greqia po zhvillon negociata me Shqipërinë në dëm të vendit të tyre, ka reaguar ministri i Jashtëm grek Kotzias. Ai thotë se për momentin janë në ngërcc pasi Meta nuk i dha plotfuqishmërinë qeverisë shqiptare për të ecur më tej me negociatat. Sakaq Kotzias qetëson popullin e tij se nuk do i falë det Shqipërisë.
Më poshtë deklarata e plotë e shefit të diplomacisë greke
“Do të thoja që është një periudhë që e bën politikën e jashtme interesante sërish, dhe pse shoqërohemi nga shtrembërime dhe lajme të rreme. Kam lexuar disa fakte inekzistente, për të cilat akuzohem…Që i kam dorëzuar gjithë Jonin shqiptarëve… Për një marrëveshje që nuk ka përfunduar, dhe nuk e keni parë. Nga ana tjetër, ata më akuzojnë se nuk janë në dijeni të asaj që po ndodh në këtë proces, dhe nga ana tjetër më akuzojnë për përmbajtjen e këtij procesi. Shpresoj që në një moment të zgjedhin vërtetë se për çfarë duan të më akuzojnë. Për çështjen e zonave detare, ku jemi në fazën që Presidenti i Shqipërisë duhet të japë autorizimin për skuadrën e negociatave të ministrisë së Jashtme Shqiptare për të negociuar me ne. Dhe përderisa ka ende një proces institucional në Shqipëri, unë po akuzohem për përmbajtjen e kësaj marrëveshje që ne do e negociojmë me detaje pas lejes së Presidentit të Shqipërisë. Sigurisht që ne kemi diskutuar tashmë dhe ajo që po flasim për humbjen është në imagjinatën dhe shpresën për të gjetur një shkak për të akuzuar politikën e jashtme dhe jo realitetin. Por, kjo është tipike. Mendoj se ka njerëz që nuk e kanë idenë e politikës së jashtme dhe si negociohet”, tha Kotzias.
