Ka nisur sot në Bruksel takimi mes kryeministrit të Kosovës, Avdullah Hoti dhe presidentit serb Aleksandar Vuçiç me ndërmjetësimin e BE.
Para takimit të liderëve të dy vendeve, Vuçiç ka patur një takim në zyrën e komisionerit për Zgjerimin Oliver Varhelyi që është pasqyruar edhe në Tëitter nga ky i fundit.
“Diskutim i mirë me Presidentin e Serbisë, Aleksandër Vuçiç në Bruksel sot, për marrëdhëniet BE-Serbi, luftën kundër COVID-19, dhe përgatitjet për Planin Eonomik. Komisioni Europian do ta parashtrojë atë në vjeshtë dhe bashkëpunimin regjional”, shkruan ai.
Por fotoja që shoqëron postimin ka ngjallur polemika.
Në tavolinën në sfond shihet një libër i vendosur mbi tavolinë i titulluar: “The Christian Heritage of Kosovo and Metohija” ( Trashëgimia e Krishterë e Kosovës dhe Metohisë). Ky është një nga librat që në Serbi përdoret për të argumentuar se Kosova është pjesë e Serbisë.
Nuk dihet nëse libri është një dhuratë nga Vuçiç për Varhelyin apo ka qenë aty më parë. Gjithësesi ai ka ngjallur jo pak polemika në postimin e eurokomisionerit ku shumë kosovarë e kanë vënë re këtë detaj./ Opinion.al
Good discussion w @predsednikrs @avucic in Brussels today about #Serbia’s EU-related reforms, fight against #COVID19, preparations for Economic & Investment Plan @EU_Commission will put forward in the autumn and regional cooperation. pic.twitter.com/OKXBW0zgnO
— Oliver Varhelyi (@OliverVarhelyi) July 16, 2020
