Referuar shtypit sportiv turk, klubi nga Stambolli do të tentojë sulmin në merkato për të siguruar shërbimet e sulmuesit Mario Balotelli, për ta dërguar atë në “Turk Telekom Arena”, duke nisur që në qershor. Një detaj kryesor që raportohet është pikërisht fakti që drejtori sportiv i Galatasary, Cenk Ergun është takuar në Milano me agjentin e famshëm të merkatos, Mino Raiola.
Objekti i diskutimit, sipas asaj që raportohet nga e përditshmja spanjolle, “AS”, ishte e ardhmja e sulmuesit të Nice, të drejtuar nga Favre, Mario Balotelli. Në fakt, sipas medias turke, klubi nga Stambolli do të tentojë blerjen e qendërsulmuesit italian, për ta bërë pjesë të ekipit të Galatasaray që në fillim të merkatos së verës. Por kujdes, në rast të kualifikimit të Nice në Champions League, atëherë Balotelli mund të rinovojë kontratën me klubin francez.
