Policia ka zbardhur plagosjen me armë zjarri që ka ndodhur te zona e “Freskut” në Tiranë.
Kështu, sipas Policisë, ngjarja ka ndodhur rreth orës 18:30 në afërsi të godinës së Thesarit të Shtetit.
Mësohet se shtetasi A.G. 33 vjeç është qëlluar me armë zjarri brenda banesës së tij nga babai i vajzës me të cilën bashkëjetonte.
Ai ndodhet nën kujdesin e mjekëve në Spital, jashtë rrezikut për jetën. Policia ka shkuar menjëherë në vendin e ngjarjes ku ka bërë të mundur edhe kapjen e autorit të dyshuar për këtë vepër penale, dhe ka shpallur në kërkim autorin e dytë.
Është kapur pak minuta pas ngjarjes shtetasi Besim Lata dhe shpallur në kërkim B.L. Sipas policisë, shkak për plagosjen është bërë një mosmarrëveshje mes babait të vajzës dhe të dashurit të saj për bashkëjetesën e tyre.
NJOFTIMI I POLICISE
Më datë 02.04.2016, rreth orës 18:30, në zonën e Linzës, në afërsi të “Thesarit”, në banesën e tij është plagosur me armë zjarri shtetasi A. G., 33 vjeç, i cili u dërgua në spital ku ndodhet nën kujdesin e mjekëvë dhe është jashtë rrezikut për jetën.
Policia ka shkuar menjëherë në vendin e ngjarjes ku ka bërë të mundur edhe kapjen e autorit të dyshuar për këtë vepër penale, dhe ka shpallur në kërkim autorin e dytë.
Është kapur pak minuta pas ngjarjes shtetasi Besim Lata dhe shpallur në kërkim B.L.
Dyshohet se konflikti ka ardhur si pasoje, pasi midis të dëmtuarit dhe autorit kishte mosmarreveshje per nje bashkejetese midis vajzës së autorit me të demtuarin pa deshirën e prindërve.
Në vendin e ngjarjes ndodhet grupi hetimor i cili po kryen veprimet.
