Policia ka bërë të mundur identifikimin e autorëve të ngjarjes që tronditi dje plazhin e Vlorës ku humbi jetën një person dhe mbetën të plagosur dy të tjerë.
Nga sekuestrimi i pamjeve të sigurisë, në ambientet e lokalit ku është kryer vrasja, policia ka arritur të identifikojë si autorë Eduart Xhezon, Ariel Kingjin dhe vëllezërit Çelik dhe Geno Lena.
Konflikti mes këtyre katër personave dhe viktimës Arben Bqiraj ka nisur për arsye banale. Gjatë ditës një person ka kalëruar mes plazhistëve në zonën e plazhit që administrohej Arben dhe Ergest Beqiraj. Babë e bir e kanë ndaluar dhe dhunuar këtë person i cili më pas është larguar.
Rreth një orë më vonë, përballë lokalit të Arben Beqirajt mbërrin një makinë me katër persona, Eduart Xhezo, Ariel Kingji dhe vëllezërit Çelik dhe Geno Lena. Dy prej tyre i janë afruar pronarit të lokalit dhe kanë nisur të debatojnë por më pas kanë nxjerrë armët dhe kanë qëlluar në drejtim të Arben Beqirajt, të birit Ergest Beqiraj dhe kushëririt të tyre Nesim Hodaj.
Pas kësaj ngjarjeje autorët janë larguar menjëherë ndërkohë që të plagosurit janë transportuar në spital. Rreth mesnatës Arben Beqiraj ndërroi jetë në spital. Ai kishte në trup 6 plumba, në pjesën e barkut, në duar dhe në këmbë.
Viktima nuk rezulton me precedentë penal por i biri, Ergest Beqiraj, ka qenë i përfshirë në plagosje me thikë në 2018-ën dhe ka qenë i dyshuar si autor i vendosjes së eksplozivit në lokalin e Brikelo Brahimaj, por sipas bluve ky konflikt nuk ka lidhje me ngjarjen e djeshme. /Opinion.al
