Janë zbardhur detaje të reja në lidhje me arrestimin e biznesmenit, Orest Lefter Sota, 25-vjeç, dy ditë më parë në Elbasan.
Mësohet se ai është pronar i firmës “Eco Construction & Parntners” shpk, e cila është themeluar në vitin 2015 në Tiranë dhe ka rikonstruktuar Komisariatin Nr.6 të Policisë në Tiranë.
Ndërsa xhaxhi i tij, Vasillaq Sota raportohet se është komandat i RENEAs nga viti 2015.
Orest Sota u arrestua në Elbasan, pasi iu sekuestruan 800 mijë euro dhe dyshohet se i janë sekuestruar edhe dy patenta në emër të Saimir Tahirit.
Kreu i PD-së Lulzim Basha ka denoncuar sot se Orest Sotës i janë gjetur në makinë 800 mijë euro dhe dy patenta për drejtim makine, në emër të Saimir Tahirit.
