Detaje të reja janë zbardhur nga vrasja e Aleksandër Ndokës, vëllait të ish-deputetit të PS Arben Ndoka në lagjen “Nënë Tereza” në Lezhë.
Policia ka bërë me dije se pas hetimeve të para dhe dëshmive të mbledhura nga banorët e lagjes, krimi ka ndodhur në mbrëmjen e së premtes, rreth orës 22:30, ndërkohë që familjarët e kanë gjetur trupin e pajetë vetëm në orët e para të mëngjesit.
Përmes një deklarate për mediat, policia tha se rreth orës 04:00 Aleksandër Ndoka është gjetur i vrarë me armë zjarri në mjetin tij tip “Mitsubish” me targa AA 382 SE.
Mirëpo, pas hetimeve, u mësua se 48-vjeçari është vrarë me breshëri automatiku që në mbrëmje.
Të njëjtat burime thanë se dyshohet për më shumë se një autor , por për momentin ende të paidentifikuar.
Viktima është qëlluar nga një distancë shumë e afërt dhe ndaj tij është qëlluar me breshëri automatiku.
Sipas informacioneve të para, në vendngjarje janë gjetur 14 gëzhoja, që janë marrë për ekzaminiminime në cilësinë e provës materiale nga ana e policisë.
Gjithpoaq, policia ka bërë edhe sekuestrimin e kamerave të sigurisë në ambientet përreth.
Gjithashtu janë shoqëruar disa persona në polici për t’u pyetur, por jo si të dyshuar për ngjarjen.
