TIRANE- Eshtë mësuar identiteti i personit që dispononte makinën së cilës iu vendos tritol sot paradite në qendrën tregtare “Kristal” tek Komuna e Parisit. Sipas burimeve të policisë makina është e biznesmenit nga Fieri Nuredin Sula.
Policia ka nisur hetimet për ngjarjen e rëndë që fatmirësisht u parandalua dhe nuk pati viktima. Lënda plasëse e mbështjellë me letër natriban dhe e vendosur poshtë makinës ka rënë sapo mjeti ka tentuar të dalë nga parkingu i qendrës tregtare. është njoftuar policia e cila evakuoi zonën dhe kreu shpërthimin e kontrolluar të lëndës plasëse, të dyshuar tritol.
Policia po heton mbi konfliktet e mundshme të biznesmenit i cili operonte në fushën e ndërtimit por me aksione edhe në karburante.
