ELBASAN- Një breshëri e vertetë plumbash është derdhur drejt një lokali në Elbasan të quajtur “Univers” mbrëmjen e djeshme. Policia ka gjetur 65 vëzhoja në vendngjarje, dhe janë sekuestruar armët që autorët i kishin vedhur në vendngjarje.
Dëshmitarët e skenës së krimit kanë parë një makinë “Benz” me ngjyrë gri t’i afrohej lokalit njëkatësh, i cili ndodhet në krah të rrugës nacionale ElbasanLibrazhd, pranë vendit të quajtur “Ura e Bakallit”. Nga mjeti kanë dalë 4 persona, të armatosur e me kapuça, të cilët nga jashtë qëlluan me breshëri drejt lokalit.
Plumbat thyen xhamat, duke depërtuar në tavolinat ku ishin ulur si shënjestrat e autorëve, ashtu dhe klientë të rastësishëm. Pasi kanë qëlluar me breshëri, autorët u larguan me shpejtësi, me të njëjtin mjet që erdhën, ndërsa dy prej armëve i kanë hedhur në rrugë.
