Të tjera detaje kanë dalë lidhur me lëndën plasëse që ka shpërthyer në verandën e një banese ne kryeqytet në orët e para të mëngjesit. Burime për Opinion.al bëjnë me dije se banesa ka qenë në pronësi te Zenepe Kamena e cila jeton në Francë, ndërkohë që në shtëpi banonte nipi i saj 34-vjeçar. Pikërisht një borxh i pashlyer i nipit dyshohet se ka qenë dhe shkaku i sulmit me lëndë plasëse.
Njoftimi nga policia
Më datë 22.01.2023, rreth orës 00:05, në rrugën “Ndoc Martini”, në verandën e banesës së shtetasit D. C., 34 vjeç, dyshohet se është hedhur një sasi e vogël lënde plasëse duke shkaktuar dëme të vogla materiale.
Grupi hetimor po punon për zbardhjen e rrethanave të ngjarjes dhe identifikimin e kapjen e autorit.
