Policia e Vlorës ka vënë në pranga djalin e Hyqmet Nexhipit, pronarit të një anije peshkimi në Vlorë që u ekzekutua dje në makinën e tij, në rrugën Transballkanike.
Në njoftimin zyrtar të Policisë, thuhet se 24 vjeçarit Olsi Nexhipi, iu gjetën një pistoletë, 11 fishekë dhe 115 gramë kanabis sativa në shtëpi.
Ngjarja ndodhi teksa policia po kontrollonte në shtëpinë e tij pas vrasjes së 52 –vjeçarit, si pjesë e hetimeve për zbardhjen e shkaqeve të ekzekutimit.
Nexhipi rezulton person me precendentë të mëparshëm penalë pasi ishte dënuar në Itali për shfrytëzim prostitucioni.
Pas vrasjes, autorët e dogjën makinën e tyre, një mercedes me targa të Durrësit.
