Ngjarja që tronditi dje Lezhën ku u vra brenda parukerisë së saj një 28 vjeçare është duke u hetuar nga policia e cila raporton për detaje të reja. Alfred Nikolli i arrestuar si autori i vrasjes së 28 vjeçares Etleva Ndoka dje në qytetin e Lezhës ka pranuar autorësinë e krimit përpara policisë.
Më tej ai është shprehur se nuk kishte dashur ta vrise Etleven dhe kishte shkuar në dyqan të bisedonte me të. Por kjo e fundit nuk kishte pranuar të bisedoj me të dhe ngjarja ka degraduar duke çuar deri në fund fatal për atë.
“Nuk pranoj të fliste dhe për një moment më ofendoj ndaj në këto kushte kam qëlluar me pistoletë në drejtim të saj” mësohet të ketë thënë grupit hetimor duke shtuar se krimi ka ndodhur në një moment dobësie.
Vrasja ka ndodhur ditën e premte, brenda sallonit të bukurisë në Bulevardin Gjergj Fishta në qytetin e Lezhës. Viktima nënë e 1 fëmijë u qëllua me dy plumba pistoletë, njëri prej të cilëve e kapi në zemer duke i shkaktuar edhe vdekjen asaj.
Vetëm disa orë më vonë u vu në pranga edhe autori. Në lidhje me ngjarjen policia ka shpallur në kërkim dhe një të afërm të autorit. Sipas bluve ai ka ndihmuar 31-vjeçarin Nikolli që të largohej në momentin kur ka kryer krimin.
