Kanë dalë detaje të reja nga ngjarja që tronditi opinionin publik në Zvicër 4 muaj më parë ku një 75-vjeçare vrau me thikë një 7-vjeçar nga Kosova.
Mërgimi ishte duke shkuar nga shkolla në shtëpi kur Angela N i ka dalë përballë dhe e ka goditur me thikë në qafë dy herë. Pas këtij krimi ajo ishte larguar nga skena, ishte ulur në një stol dhe kishte shkruar një mesazh për disa persona dhe institucione. Më pas , Angela N. kishte vrapuar me thikën që kishte kryer vrasjen duke hyrë në prokurorinë e Bazelit e ku aty e kanë arrestuar.
Sipas autores së krimit ajo kishte vepruar në një gjendje të rënduar emocionale por vendimi i gjykatës së Bazelit thotë se ajo kishte vepruar qëllimisht. Hetuesit kanë gjetur në telefonin e saj një mesazh që dyshohet të jetë shkruar një ditë para aktit, ku tregonte paraprakisht për vrasjen e Mërgimit, por dyshohet se kishte edhe mesazhe të tjera të cilët ajo i ka fshirë.
Sipas raportit të gjykatës, Angela N nuk ishte e penduar për vrasjen e 7-vjeçarit nga Kosova.
Angela N. për dekada të tëra ishte njohur si një problematike. Së bashku me burrin e saj, ajo kishte paraqitur kërkesa të panumërta në Administratën e Qarkut në Bazel në fillim të viteve 1980, duke pretenduar se ajo dhe burri i saj ishin viktima të një “afere korruptive gjyqësore”. /Opinion.al
