Një person mbeti i plagosur rreth orës 14:00, në një lokal në dalje të qytetit të Elbasanit, në rrugën nacionale që lidh qytetin me zonën e metalurgjikut.
Klevis Gjini, 30 vjeç nga Elbasani, mbeti i plagosur pasi ndaj tij u qëllua me armë zjarri nga persona të panjohur. Sipas burimeve të policisë Gjini ndodhej në lokal, kur u qëllua nga dy persona të cilët u larguan menjëherë nga vendi i ngjarjes me një mjet.
I plagosuri u dërgua menjëherë në spitalin e qytetit, ku sipas të dhënave të para ka marrë një plagë me armë zjarri. Sipas mjekëve Gjini aktualisht është jashtë rrezikut për jetën dhe po ndiqet gjendja e tij shëndetësore.
Nga hetimet para të policisë, dyshohet se shkak i ngjarjes, mund të jetë bërë një konflikt për shkak të aktiviteteve kriminale të të plagosurit me autorët. Sipas policisë Gjini prej kohësh ka jetuar me Shqipërisë dhe Anglisë, ku dyshohet se mund të jetë përfshirë në aktivitete të paligjshme.
