Një ditë më parë, përmes një videoje të publikuar në rrjetet sociale, bashkëshortja e princit William njoftoi se ishte e sëmurë me kancer.
Princesha e Uellsit kërkoi “kohë, hapësirë dhe privatësi” teksa trajtohet. Për momentin, ajo do të anashkalojë detyrimet e saj mbretërore.
Në video, bashkëshortja e princit William foli për dy muaj jashtëzakonisht të vështirë në familje dhe falënderoi ekipin mjekësor “fantastik” që u kujdes për të.
CNN shkruan se pas sëmundjes së Kate, linja e trashëgimisë tani është nën presion ekstrem nga lart. Princi William, të cilin Kate e vlerësoi si “një burim të madh ngushëllimi dhe sigurie”, do t’i duhet të vazhdojë me kujdesin për gruan dhe fëmijët e tij duke ruajtur orarin e tij publik.
Ai do të mbështetet nga Mbretëresha Camilla dhe shtatë anëtarët e tjerë mbretërorë më pak të njohur, por si i radhës për fronin, prania e tij është e nevojshme për të siguruar kombin se Kurora është e fortë.
Kujtojmë se më herët është diagnostikuar me kancer dhe Mbreti Charles III.
