Detaje të reja janë zbardhur nga ngjarja e rëndë që ndodhi ditën e sotme në fshatin Kusarth, në Elbasan, ku 44-vjeçarja Alma Qevani, është goditur për vdekje me sëpatë nga bashkëshorti i motrës së saj.
Tefik Tashi, 58-vjeç është autori që vrau kunatën në rrugë me sëpatë.
Sipas reporttv, rezulton se Tashi ka qenë i dehur në momentin që ka kryer krimin makabër.
Ai është pikasur nga efektivët teksa vraponte me sëpatën e gjakosur në dorë, në afërsi të fshatit Shirgjan. Pasi u arrestua nga policia, Tashi ka deklaruar se aktin e rëndë e ka kryer pasi kunata Alma Qevani e kishte sharë.
Fillimisht mësohet se mes të dyve ka pasur një debat verbal, teksa situata është tensionuar dhe me sëpatën që kishte në dorë ka qëlluar drejt 44-vjeçares.
Tashi pritet të merret në pyetje sërish për të sqaruar rrethanat e ngjarjes pasi t’i dalë pija, pasi në gjendjen që ndodhet aktualisht është e pamundur.
Alma Qevani që u qëllua me sëpatë, humbi jetën në spital nga plagët e marra./Opinion.al
