Të tjera detaje janë zbuluar në lidhje me ngjarjen e rëndë të ndodhur pasditen e së enjtes ku në lumin Devoll u mbyt një 14-vjeçare.
Sipas Neës24, 14-vjeçarja ka qenë duke u larë me vëllanë e saj 12 vjeç dhe shoqet. Ajo është futur në thellësi të lumit bashkë me shoqen e saj, ku uji i ka tërhequr poshtë.
Shoqja e ngushtë ka mundur të dalë me not nga lumi, por nuk ka mundur dot të nxjerrë 14-vjeçaren që është mbytur.
Në lumë kanë qenë 11 fëmijë, të cilin kishin shkuar për plazh së bashku që prej orëve të drekës. Të gjithë fëmijët, përfshi edhe viktimën 14-vjeçare, ishin banorë të lagjes “Ferma Partizani”, në Kuçovë.
