Detaje të reja janë zbardhur nga ngjarja e rëndë në një shkollë në Beograd, ku 9 persona kanë humbur jetën dhe disa të tjerë kanë mbetur të plagosur.
14 vjeçari, i identifikuar si Kosta Keçmanovic dyshohet si autori i ngjarjes, i cili hyri në shkollë duke qëlluar ndaj nxënësve dhe mësuesve.
Sipas mediave vendase, adoleshenti mori pjesë në shumë olimpiada, si të matematikës. Vitin e kaluar, Kosta fitoi edhe vendin e tretë në garën e historisë. E gjithë ngjarja e përgjakshme ka nisur sot pikërisht nga inati që kishte ndaj mësueses së historisë dhe klasës ndaj të cilës ka nisur të qëllojë.
Në një kontroll në shtëpinë e tij, policia madje tha se gjeti një listë me emrat e personave të cilët kishte planifikuar ti vriste.
Përveç kësaj, ai kishte një plan të saktë të shkollës, me hyrje dhe dalje të shënuara. Kjo ishte planifikuar prej një muaji, por ende nuk dihet motivi që çoi 14 vjeçarin të ndërmerrte këtë krim makabër.
Të shtënat kanë ndodhur rreth orës 08:00, kur Kosta ka hyrë në shkollë dhe ka nisur të qëllojë pa ndalur. Fillimisht ka qëlluar mbi nxënësit dhe mësuesin në klasën e historisë.
Tre fëmijë janë shtruar në spital, dy janë në gjendje të qëndrueshme, ndërsa një fëmijë në gjendje kritike. Sipas informacioneve jozyrtare më shumë se dhjetë fëmijë të plagosur, ndërsa viktima e parë ka qenë roja që ka ndërruar jetë pak pas të shtënave.
Shokët e klasës të adoleshentit e përshkrujnë si një person të qetë, duke theksuar se ai nuk ishte problematic.
“Nuk kishte asnjë motiv ta bënte këtë”, thanë fëmijët e mërzitur./Opinion.al
