Kryeministri Edi Rama ka ndarë pamjet nga muzeu i Forcave të Armatosura në Bërzhitë të Tiranës, duke e cilësuar si një destinacion turistik të një historie unikale të ushtrisë shqiptare.
Përmes një postimi në rrjete sociale, Rama shkruan se tashmë muzeu ofron një hapësirë të gjelbër dhe vendpushim ku vizitorët mund të shijojnë mjedisin të rrethuar nga objekte të traditës shqiptare.
“Fundjava në Muzeun e Forcave të Armatosura në Bërzhitë, Tiranë, destinacioni turistik i një historie politike unikale të ushtrisë shqiptare, e cila gjatë komunizmit u armatos deri në dhëmbë për të luftuar me tërë botën, në Shqipërinë e izoluar si një Kore e Veriut, në mes të Europës, ndërkohë që muzeu ofron edhe një hapësirë të gjelbër e një vendpushim kafeje, ku vizitorët shijojnë ajrin e pastër të rrethuar nga objekte të kujtesës e të traditës shqiptare”, shkruan Rama./Opinion.al
