Ka dështuar për herë të 9 seanca për zgjedhjen e kreut të Kuvendit të Kuvendit të Kosovës. Seanca e radhës do të mbahet pas 48 orësh, konkretisht në datë 3 Maj në orën 10:00.
Siç bëjnë të ditur mediat në Kosovë, opozita ka refuzuar propozimin e kryetarit të seancës për votim të fshehtë. Me 55 vota pro, një kundër dhe asnjë abstenim ka dështuar formimi i komisionit për votimin e fshehtë.
Para mbajtjes së seancës pati një takim kokë më kokë mes Albin Kurtit dhe kryetarit të Partisë Demokratike të Kosovës, Memli Krasniqi, takim i cili përfundoi pa asnjë marrëveshje mes palëve.
Memli Krasniqi ka dhënë një deklaratë për mediat pas këtij takimi, ku është shprehur se e rëndësishme është që të zhbllokohet sa më shpejtë kjo situatë.
