Pas dështimit dhe largimit nga kombëtarja shqiptare Christian Panucci, është kthyer në Itali. Por, dhe pse me kombëtaren nuk dha ndonjë rezultat të kënaqshëm, Panucci është një nga trajnerët më favoritë për të marrë drejtimin e disa nga skuadrat e Seria B.
Ofertat ndaj tij, janë shtuar pasi tashmë është dhe një trajner që ka drejtuar një kombëtare.
Ndërkohë, emri i Panuccit po lidhet edhe me bankinën e Chievos që sipas të gjithë gjasave e ka të pamundur të mbijetojnë në elitë.
Sezonin e ardhshëm Chievo do të mund të nis gjithçka nga e para, duke filluar me ndërrimin e trajnerëve, ku më favoriti duket Panucci.
Një tjetër skuadër që mund të kërkojë shërbimet e ish-trajnerit të kombëtares shqiptare mund të jetë dhe skuadra e Veronas, gjithnjë nëse Grosso dështon./ Opinion.al. E.Xh.
