Një shqiptare, punëtore në qendrën tregtare ku ka ndodhur sulmi me armë në Mynih, ndodhet aktualisht është e mbyllur në qendrën tregtare bashkë me kolegët në godinën e qendrës me kërkesë të policisë.
Megi Shota ka qënë dëshmitare e ngjarjes dhe tregon për News 24 se e ka parë autorin e ngjarjesdhe se dyshimet janë për 30 viktima.
“Të gjitha rrugët janë të bllokuara. Ka helikopterë. Janë të gjitha rrugët me forca speciale. Nuk lejohet lëvizja e makinave dhe as njerëzve. Me sa dëgjuam janë vrarë disa persona, mbi 30 veta. Policia ka bërë thirrje që njerëzit të qëndrojnë në banesa. Sa do dilnim nga puna, po vraponin të tronditur nga qendra tregtare, pamë edhe personin që qëlloi”,- ka thënë shqiptarja, rezidente në Mynih.
