Emiljano Shullazi, Gilmando Dani dhe Blerim Shullazi kanë bërë rekurs në Gjykatën e Lartë për të hedhur poshtë vendimin e Shkallës së Parë të Krimeve të Rënda dhe Apelit të Krimeve të Rënda.
Rekursi është bërë nga avokati i tyre, duke kërkuar lirinë e të pandehurve. Sipas avokatit mbrojtës, të pandehurit janë lënë në arrest me burg në mënyrë të paligjshme, pasi nuk ka prova apo dëshmi konkrete kundër tyre që dëshmojnë implikimet në gjobëvënie.
Avokati Alban Qafa thotë se e gjithë kjo histori është e montuar politikisht në momentin që ish-Kryeministri Berisha doli për të denoncuar në media kërcënimin e rektorit Mynyr Koni nga Emiljano Shullazi.
Ky i fundit u arrestua pas kësaj deklarate, por mbi rëndojnë të tjera akuza që kanë të bëjnë me gjobëvënie ndaj biznesmenëve, kanosje, armëmbajtje pa leje etj, ndërsa kërcënimi ndaj akademikëve është ende nën hetim.
Nisur nga dy vendimet e para të Gjykatës, Emiljano Shullazi, Gilmando Dani dhe Blerim Shullazi kërkojnë lirinë nga qelia dhe për këtë i janë drejtuar Gjykatës së Lartë./GSH/
