Roland Milo ka dëshmuar në polici për vrasjen e shokut të tij, Sokol Rama. Milo ka pranuar se të dy merreshin me transportim të lëndëve narkotike dhe se sherri që çoi në vrasjen e Sokol Ramës nisi pikërisht për një shumë 3,500 eurosh që duhet të ndanin mes tyre.
Sipas gazetës “Panorama”, Roland Milo shfrytëzonte Sokol Ramën për trafikun e lëndëve narkotike. Pas rrugës së fundit, Milo ka refuzuar t’i japë paratë që kishin rënë dakord Sokol Ramës.
“Nuk doja ta vrisja, por e humba logjikën dhe e qëllova pas një debati që patëm për një shumë parash, që duhet t’i jepja”, është shprehur Roland Milo në polici. Ai njihet si një person problematik dhe me precedentë penalë.
Pasi u denoncua si i zhdukur nga familjarët në fillim të muajit shkurt, Sokol Rama u gjet i pajetë nga Policia e Tepelenës në një humnerë brenda makinës së tij./Opinion.al
