I pyetur në hetim shtetasi Aleksander Dushaj pranon faktin e vrasjes së shtetasve Abdulla Shkambi dhe Skënder Shkambi me datë 02.01.2016 në fshatin Drisht, njësia administrative Postribë, Bashkia Shkodër duke theksuar se këtë vrasje e kishte kryer pasi viktima Skënder Shkambi e kishte kërcënuar në telefon për arsyen se ai i kërkonte për fejese vajzën e tij.
Gjithashtu ky shtetas deklaron se ditën e ngjarjes që nga mëngjesi deri ne momentin kur ka ndodhur ngjarja ka kërkuar që të takohej me shtetasin Skënder Dushaj ku për këtë fakt e ka kërkuar në disa lokale të kësaj zone dhe në fund e ka takuar në momentin që kanë qenë duke shkuar tek banesa e nënës së tyre.
Pasi e ka takuar biseda mes tyre eshte acaruar, ku gjithmonë sipas pretendimeve të tij, duke i thënë që vajzën time nuk e merr ti dhe është sharë e ofenduar ai si person dhe familja e tij. Në këtë kohë Aleksander Dushaj i ka lënë këto shtetas aty dhe ka shkuar me shpejtësi tek banesa e tij, e cila është në një distancë rreth 50 metra nga vendi i ngjarjes ku, pasi ka marrë armën e zjarrit automatik, është kthyer përsëri tek vendi ku i kishte lënë shtetasit Skënder e Abdulla Shkambi të cilët i ka qëlluar në një distancë rreth 7-8 metra. Pasi i ka parë që janë rrëzuar është larguar me shpejtësi .
