Gjashtë persona humbën jetën në një atentat në Athinë. Mediat greke deklarojnë se viktimat janë shtetas shqiptarë, ndërsa ngjarja ka ndodhur pas përplasjeve që kanë patur grupet kriminale.
Lidhur me ngjarjen e rëndë kanë folur banorët e zonës, të cilët deklarojnë se të shtënat janë dëgjuar në të gjithë zonën.
“Dëgjuam të shtënat ” , thotë një banor i zonës për protothema.gr. Megjithatë, askush nuk ka shkuar menjëherë në vendngjarje, për shkak të frikës.
“Nuk shkuam drejt atje sepse u trembëm”, shpjegoi ai, duke shtuar se në bazë të breshërive dukej sikur ishte automatik. “Ishte shumë shpejt”, shtoi ai, duke shpjeguar se ishte e pamundur të numërohej sa plumba u qëlluan.
“ Të shtëna vazhduan për një kohë të gjatë dhe ishin shumë të shpejta. Duhet të ketë qenë shkëmbimi i zjarrit nga të dyja palët. Natyrisht që ishim të tmerruar, nuk guxuam t’i afroheshim vendit që në fillim”, tha ai.
Banori ka shkuar në vendngjarje kur është njoftuar nga lajmi se çfarë kishte ndodhur dhe ka parë se ka pasur një mobilizim të madh të policisë dhe autoambulanca.
