Trajneri i Francës, Didier Deschamps, ka lavdëruar lojën e Shqipërisë përballë skuadrës franceze në Velodrome të Marsejës mbrëmjen e sotme.
Deschamps tha se Shqipëria luajti me shpirt dhe zemër, si dhe u mbrojtën mirë.
“Shqipëria luajti me shumë zemër dhe shpirt. Ata u mbrojtën mirë dhe kishin aftësi për kundërzbritje. Kemi mundur të shënojmë më herët, kishim shumë raste. Përderisa ishte baras, ishte rezultat i mirë për Shqipërinë”, u shpreh tekniku francez.
Kuqezinjtë u mposhtën në fund nga skuadra e Deschamps, me dy gola nga Griezmann dhe Payet.
