Autoritetet greke thonë se kanë zbardhur vrasjen e biznesmenin grek Aleksandros Stamatiadhis, ndërsa janë publikuar dhe foto e të arrestuarve. Ngjarja ndodhi në në 2 prill të 2018, ku gjatë grabitjes së banesës autorët ushtruan dhunë mbi biznesmenin grek.
Të arrestuarit janë 8 shqiptarë dhe një femër rumune. Personi që ka ekzekutuar biznesmenin dyshohet të jetë shqiptari Genc Pepa, i cili u largua nga Greqia ditën që kryen krimin. Operacioni për arrestimin e tij dhe anëtarëve të tjerë të bandës u kodua me emrin “Derri i egër” pikërisht për shkak të dobësisë që kishte Pepa për gjuetinë e derrave të egër.
Mediat greke madje shkruajnë se kanë qenë disa foto të publikuara prej tij në në “Facebook” që kanë lehtësuar punën e policisë për identifikimin e tij dhe të bandës së hajdutëve. Teksa vriste një derr të egër, Pepa kishte postuar në foto edhe pistoletën, e njëjta armë me të cilën qëlloi më pas biznesmenin Alexandros Stamatiadis. Po ashtu dyshohet se kjo bandë ka grabitur dhe shtëpinë e këngëtarit të njohur grek Lefteris Pantazis.
Ende mbeten pa arrestuar dy prej anëtarëve të kësaj organizate, të cilët besohet se kanë mundur të kalojnë në territorin shqiptar, ku edhe fshihen. Ata janë Tonin Kola dhe Adrian Frroku, ndërsa të arrestuarit janë Elevis Gjergji, Edmond Gjergji, Genci Pepa, Armando Filopati, Gentian Hinga dhe Daniele Jorgace./ G.F Opinion.al/ Burimi: zougla
