Tirana vijon periudhën jo të mirë. Bardheblutë u frenuan në barazim 1 me 1 nga Dinamo në derbin e kryeqytetit.
Avantazhi me Hasanin në fundin e pjesës së parë nuk i mjaftoi bardhebluve. Dinamo u përgjigj me golin e Denison në të 52-ën.
Në debutimin e trajnerit Mehmeti, blutë arritën të mbronin rezultatin edhe pse e mbyllën ndeshjen në inferioritet numerik, pas kartonit të kuq të Gudiabi-t. Me këtë barazim Tirana vijon të humbasë terren nga kreu, teksa Dinamo mbetet në vendin e fundit në renditjen e kampionatit.
