Duke iu referuar rastit të arrestimit të katër personave të armatosur në Kosovë, një prej të cilëve ishte luftëtar në Kosovë, Gazeta Gjermane “Spiegel” ka ngritur alarmin e një rreziku terrorist nga luftëtarët e ISIS në Ballkanin Perëndimor.
Ky rrezik sipas ‘Spiegel’ vjen nga xhihdistë që tashmë janë kthyer prej Sirisë në Ballkan.
Gazeta “Spigel” ka folur për ekzistimin e kampeve trajnuese në Ballkan.
“Kosova është vendi më i prekur nga ky fenomen në Ballkan. Nga 700 luftëtarë të ISIS’it që janë duke luftuar në Siri, gjysma e tyre thuhet të jenë nga Kosova. Autoritet kosovare llogarisin një numër prej 120 pjesëtarëve“, shkruan gazeta gjermane.
“Nuk është hera e parë që Kosova arreston xhihadistë të armatosur. Në qershorin e shkuar, Policia e Kosovës kishte parandaluar një sulm helmues në liqenin që furnizon me ujë kryeqytetin kosovar, Prishtinën“, shkruan Spiegel.
Edhe ekspertë të sigurisë në Evropë kanë paralajmëruar rrezikun e sulmeve të xhihadistëve në Evropën Jugore, sidomos në Ballkanin Perëndimor.
“Europol” ka përpiluar një analizë në janar për strategjinë e ISIS-it, ku flitet për kampe të trajnimit në Evropë dhe Ballkan.
