Një nga deputetet më të shquara të Parlamentit të Shqipërisë, Arbjola Halimi ka kritikuar me një status në Facebook drejtuesin e emisionit Opinion, Blendi Fevziu se nuk ka parë deputetët e rinj të PD që nuk kanë pasur poste në të shkuarën, të cilët kanë qenë aktivë në Parlament dhe janë dekonsideruar pa të drejtë.
Sipas Halimit ndaj këtyre deputetëve media po aplikon Amnezinë dhe po i lë në hije. Në këtë mënyrë, ata nuk kanë mundësi ta shprehin talentin e tyre në studio, por janë të detyruar ta shprehin me postime në Facebook. Statusi i plotë i zonjës Halimi është ky:
“Deputetet e rinj te PD, te vjeter sipas Fevziut, te cilet nuk kane pasur asnjehere poste dhe ndaj me shume se gjysmes se te cileve mediat e kapura perdorin qellimisht amnezine. Ketyre pseudomediave me teper se sa figura u jemi dukur sfond ne parlament e jashte tij pavaresisht se te gjithe kane qene aktive.
P.S. Nuk eshte reklame por faktim i situates dhe nje pershendetje Fevziut
Alban Zeneli
Albana Vokshi
Albina Deda
Arbjola Halimi
Astrit Veliaj
Bedri Mihaj
Bedri Hoxha
Dhurata Cupi
Eleina Qirici
Liljana Elmazi
Luciano Boci
Gerti Bogdani
Helidon Bushati
Igli Cara
Irma Kopliku
Keltis Kruja
Kozma Dashi
Roland Keta
Mimoza Hajdarmataj
Oerd Bylykbashi
P.s. Ndjese nese kam harruar dike
Arbjola Halimi”
Nëse ne e kemi kuptuar drejtë postimin, sepse edhe që ta kuptosh nuk është e lehtë, problemi është serioz. është e vështirë të japesh një shpjegim se përse drejtuesi i Opinion Fevziu dhe gazetarët e tjerë censurojnë deputeten Halimi, e njohur per sharmin e saj te jashtëm, por edhe të brendshëm si dhe për stilin luftrak politik. Asnjë nga drejtuesit e emisioneve nuk është shprehur për “amnezinë” që aplikon ndaj listës në fjalë. Disa nga deputetët e listës të pyetur nga Opinion.al nuk donin të komentonin për cështjen në fjalë. Të tjerët, me siguri do jenë vendosur gabim në listë si deputetë sepse në këto 4 vite disa prej tyre nuk i njihnim si emra. Gjithsesi i jemi drejtuar zyrës së kuvendit për të mësuar identitetin e tyre. Pavarësisht rastit konkret, përdorimi i amnezisë ndaj deputetëve, të njohur apo të panjohur është i dënueshëm.
P.s. Opinion.al ju drejtua disa gjuhëtarëve për kontekstin e përdorimit të fjalës amnezi në këtë rast, por nuk ka ende një përgjigje konkrete. Kushdo që do na japë një shpjegim të kënaqshëm është i mirëpritur.
Opinion.al
