Deputeti demokrat Edmond Spaho ka denoncuar sot në Parlament, presionin që po ju bëhet punonjësve të shëndetësisë për të realizuar me çdo kusht check-upin e ofruar falas nga qeveria, që me sa duket nuk po përdoret nga qytetarët për shkak të besueshmërisë së ulët.
Ai ka publikur mesazhin që i ka mbërritur një mjekeje në qytetin e Elbasanit nga struktruat drejtuese, ku i thuhet se në rast të moskryerjes së check-upit ndaj tyre do të merren masa dhe veçanërisht ndaj personelit të mesëm dhe infermierëve.
Check-upi i popullsisë falas është trumbetuar nga qeveria si një ndër arritjet e saj në realizmin e premtimit për shëndetësi falas. Ndërkohë opozita ka akuzuar abuzime te renda në këtë proces dhe përgjigje analizash krejtësisht të pasakta, gati gati qesharake. Kujtojme nje deklarate te deputetes Albana Vokshi ne “Opinion”, kur tha se nga pergjigjet e check -upit kane dale gra me prostate.
