Deputeti kaubojs i Lezhës, Eduard Ndocaj që hyri në parlament nga lista e PS-së, duke marrë mandatin e Arben Ndokës do të garojë në zgjedhje nën logon e një partie themeluar vite më parë, por që nuk ka qenë aktive. PBDKSH synon të marrë vota nga emigrantët dhe katolikët, kryesisht në veri, pasi edhe selinë e ka vendosur në Lezhë. N/ kryetari Alban Daci thotë se jemi regjistruar në KQZ dhe jemi të hapur për marrëveshje koalicioni parazgjedhore.
Kjo parti ka në thelb demokristianët ndaj pritet të ketë rivalitet me partinë e Nard Ndokës i cili aderon në koalicionin e djathtë. Theksojmë se Ndocaj dhe Ndoka ishin në një parti (PDK) deri para disa muajsh dhe në këto zgjedhje pritet të jenë kundërshtarë.
Por nga do anojë PBDKSH e Ndocajt? I pyetur nëse do të jenë në koalicion me PS, n/kryetari i partisë thotë se “na kanë ftuar për negociata, por marrëveshja ende nuk është mbyllur”. /Opinion.al
