Anëtari demokrat i Komisionit të Jashtëm, Klevis Balliu konstatoi në një takim për rininë në Bruksel se “rinia në Shqipëri nuk ka besim tek politika për shkak të lidhjes së qeverisë me krimin”.
Deputeti Klevis Balliu e shprehu opinionin e tij në një takim të organizuar nga Parlamenti Europian për zvogëlimin e hendekut mes parlamentarëve dhe pjesëmarrjes së rinisë në jetën aktive politike dhe sociale në vendet e Ballkanit Perëndimor .
Në diskutimin e tij, anëtari demokrat i Komisionit të Jashtëm Klevis Balliu u bëri thirrje përfaqësuesve të vendeve anëtare të BE “të ndihmojnë Shqipërinë për të luftuar krimin dhe korrupsionin, në mënyrë që politikanët e përfshirë në këto afera të mbajnë përgjegjësi.”
Klevis Balliu shprehu gadishmërinë e PD për të dhënë kontribun e saj në luftën kundër krimit të organziuar, duke ndërprerë lidhjet e qeverisë me narkotrafikun dhe për të rikthyer vendin në rrugën e integrimit europian.
