Përparim Spahiu godet sërish! Ai flet shpesh kundër Ramës, por LSI-ja thotë se janë qendrime personale. E megjithëatë, Spahiu vazhdon të votojë si deputet i LSI-së në Parlament.
Sëfundi ai deklaroi në Dibër se është kundër fasadave, duke lënë të kuptojë se nuk mbështet projektet e Kryeministrit për Rilindjen Urbane.
Kujtojmë se Spahiu sëfundmi ka dalë si “kandidat” për kryetar i LSI-së. Dhe me të tillë status shprehet në Dibër: “Unë si kryetar i ardhshëm i LSI, për të cilën kërkoj votat tuaja, jam i mendimit se duhet të mbarojë më në fund procesi i stolisjes së rrugëve dhe i riparimit të fasadave, ku janë derdhur financime dorëlëshuara”.
“Nuk na duhen palma dhe ndriçues me ngjyra, më shumë se sa spitale apo pika ambulatore të reja. Shkolla, kopshte dhe subvencione serioze për prodhimet tona bujqësore, që nxisin prodhimin, punësimin, sjellin të ardhura të ndershme nëpër shtëpiat tona dhe furnizojnë turizmin shqiptar me prodhimet tona” , shprehet Spahiu.
Përparim Spahiu do të deklaronte në qershor se ishte kundër reformës në drejtësi, kur kryetari i tij, Ilir Meta shfaqej konsensual dhe pro reformës. Meta deklaroi përjashtimin e tij nga grupi, por çuditërisht Spahiu u bë sërish pjesë e grupit duke ngritur kartonin në parlament bashkë me kolegët e tjerë të LSI-së. Sëfundmi, ai dhe Shezai Rrokaj po garojnë për kryetar partie përballë Ilir Metës…
/Opinion.al
