Deputeti i Partisë Demokratike, Tritan Shehu, ditën e sotme, ka paralajmëruar se opozita po përgatitet për protesta të mëdha kundër qeverisë Rama.
Përgjatë një interviste për “Report Tv”, Shehu u shpreh se situata në Shqipëri është kaotike dhe për këtë arsye populli është gati të ngrihet kundër së keqes.
Ai tregoi se marrëveshja e 18 majit Rama-Basha është mbyllur, ndërsa theksoi se mund të ketë zgjedhje të parakohshme politike.
“Marrëveshja është e mbyllur, ishte e vlefshme për kohën që u bë. Reforma zgjedhore është detyrim nga OSBE. Zgjedhjet politike mund të vijnë edhe para zgjedhjeve lokale, këtë e ka në dorë sovrani. Sovrani shpesh herë të detyron, në mënyra demokratike. Duke shfrytëzuar rrugët, sheshet dhe të gjitha mënyrat demokratike. Nuk më të them sekrete, por PD është duke punuar fort”,- deklaroi Shehu.
