Deputeti i Partisë Demokratike, Luan Baçi ka pritur mbrëmjen e sotme në ambientet e jashtme të burgut të Fierit, ardhjen e Ervin Salianjit.
Para mediave, Baçi ka deklaruar se ndodhet aty në mbështetje të deputetit Ervin Salianji, i cili pritet të vuajë dënimin me një vit burg në këtë IEPV.
Baçi u shpreh se Salianji është i dënuar politik, ndërsa shtoi se secili mund të ishte sot në vend të tij.
“Në burgun e Fier vjen sot një koleg dhe mik i imi, koleg i PD i dënuar politikisht nga kjo mazhorancë dhe ky kryeministër. Absolutish do të jemi pranë tij dhe në krah të tij. Strukturat e degës së qarkut Fier do të jenë në dispozicion të tij. Është detyrimi ynë meqë institucioni u vuajtjes së dënimit të tij është në Fier. Kushdo mund të ishte sot në vend të tij. Salianji përveçse ka bërë një dënim që u vërtetua katërçipërisht i vërtetë, sepse vëllai i Xhafajt u dënua ë Itali, si mund të themi që Salianji është dënuar me të drejtë. Është një i dënuar politik, është një goditje ndaj opozitës”, tha Baçi.
