Pas përfundimit të mbledhjes së grupit të Partisë Socialiste, kryesuar nga Niko Peleshi, ky i fundit ka dhënë një deklaratë për media teksa ka treguar se çfarë është diskutuar.
Ai është pyetur nga gazetarët nëse ka pasur “përplasje” brenda PS lidhur me ndryshimin në Kodin Zgjedhor, ku deputetët me më shumë se 1 mandat do të garojnë në lista të hapura për zgjedhjet e 2025-ës.
Peleshi deklaroi se deputetët do ta meritojnë rikandidimin përmes punës dhe mohoi të ketë pasur kontestime mes tyre.
“Vijmë pas një Asambleje të PS, u dhanë mesazhe detyra, sfida, kemi ndryshime në Kodin Zgjedhor që duhet reflektuar në detyra. Sistemi është i barabartë për të gjithë. Mënyra si interpretohet është i ndryshëm. Natyrisht ka një garë e cila është e shëndetshme. Gara kryesore është me ata që kemi përballë dhe pastaj çdo kandidat për deputet do që të jetë sa më lart në listë. Herën e kaluar ishte një sistem i ngjashëm, drejtuesit politikë nuk ishin të parët e listës. Ishte një garë e brendshme për maksimizimine votës. Platforma e re “Deputeti që duam” është një mundësi për ata që kanë potencial brenda vetes dhe që mbase rruga brenda partisë u duket e vështirë. Kemi hapur një korsi të re përmes platformës për dikë që ka të gjitha aftësitë për të përfaqësuar një komunitet”, deklaroi Peleshi.
