Pas mbledhjes së Byrosë së Kuvendit, deputeti Flamur Noka u shpreh se ai dhe pesë kolegët e tjerë janë përjashtuar nga parlamenti deri në mes të marsit..
Urdhrin sipas tij e ka dhënë kryeministri Edi Rama, ndërsa tha se opozita vendimin do e dërgojnë në gjykatë.
“Rama ka kërkuar përjashtimin e opozitës, do të marrë peng parlamentin. Afati përjashtimit vazhdon e shtyhet në kundërshtim me çdo rregullore deri në mars. Është thënë një muaj, e çuan tre muaj.
6 deputetët e opozitës janë përjashtuar deri në mes të marsit. Edi Rama ka shpallur armiq ata që kanë denoncuar kartelet e drogës. Vendimin do e çojmë në gjykatë“-u shpreh Noka.
