Kreu i grupit parlamentar të PD-së, Gazment Bardhi në një prononcim për media ka thënë se i është vënë flaka karrigeve, në shenjë proteste për arrestimin e deputetit të PD-së, Ervin Salianji.
Ai tha se kryeministri Edi Rama ka djegur parlamentin.
Bardhi theksoi se nuk po shmangen nga beteja dhe mazhoranca do i ketë përballë në çdo moment.
“Ne po djegim karriget tona. Ne nuk jemi këtu për karriget tona. Jemi këtu për të mbrojtur interesin publik. Salianji denoncoi lidhjet e Fatmir Xhafajt me krimin. Karriget tona janë të qytetarëve. Edi Rama ka djegur parlamentin. Ne jemi këtu për të thënë se jemi për interes publik. Jo, ne nuk kemi djegur mandatet. Ne nuk shmangemi nga beteja, do na kenë përballë në çdo moment”, tha Bardhi.
