Deputetët e PD-së në nisjen e seancës së sotme janë përplasur me gardën e republikës pranë foltores.
Pas përplasjeve të shumta, ata kanë marrë karriget e Kuvendit ku ata ulen dhe i nxorën jashtë në oborrin përpara derës hyrëse të parlamentit dhe më pas i kanë vënë flakën.
E gjithë kjo skenë ndodhi pasi kryeparlamentarja Elisa Spiropali njoftoi vakancën e krijuar në parlament me mandatin e Salianjit.
Ndërkohë pasi dogjën karriget, deputetët e PD-së u rikthyen sërish në sallë duke vazhduar me tensionet.
Nga ana tjetër, jashtë ambjenteve të Parlamentit u desh ndërhyrja e efektivëve të Gardës për të bërë të mundur fikjen e zjarrit, i cili po përhapej në përmasa të mëdha.
