Deputetët e PD kanë bllokuar këtë të mërkurë edhe Komisionin e Ekonomisë. Kjo ka bërë që deputetët e PS-së të largohen nga salla ku do të zhvillohej mbledhja.
Më herët deputetët demokratë penguan edhe zhvillimin e mbledhjes së Konferencës së Kryetarëve, ku do të diskutohej projektbuxheti për vitin 2024 dhe penguan hyrjen në sallë të ministrit të Financave, Ervin Mete.
Mbledhja u shty për në orën 13:00 dhe në përfundim të saj u shoqërua me debate mes kreut të grupit të PD-së, Gazment Bardhi dhe kryeparlamentares Nikolla.
Kujtojmë se opozita ka paralajmëruar bllokim të çdo aktiviteti parlamentar deri në plotësimin e kërkesave të tyre.
Kjo sjellje e tyre vjen pas bllokimit që maxhoranca iu ka bërë komisioneve hetimore parlamentare të kërkuara nga opozita si dhe ndryshimeve që ata kanë kërkuar në përbërjen e Komisionit të Reformës zgjedhore./Opinion.al
