Teksa deputetët e opozitës janë ngujuar në Kuvend pasi kundërshtimit të mazhorancës për të mos ngritur disa komisione hetimore, socialistët janë tërhequr nga zhvillimi i seancës plenare këtë javë.
Sipas Balkanweb, përmes një mesazhi dërguar deputetëve socialistë, kryetari i grupit të PS informon se seanca e radhës është vendosur për të hënën e 30 tetorit.
Ai thekson se në ditët në vijim deputetët do të vijojnë punën nëpër zona.
“Kolegë nuk do te zhvillojmë seancë këtë javë. Seanca e radhës, të hënën, më 30 Tetor, për çështjet e zgjedhësve. Vijojmë në ditët në vazhdim nëpër zona, me vendimet që u morën në mbledhjen e Grupit”, thuhet në mesazh.
