Rama ka vendosur ta bëjë pjesë të kabinetit të diplomuarin në Mjekësi Taulant Muka, duke e emëruar si zv.ministër të Arsimit, Sportit dhe Rinisë.
Zyrtari i ri i qeverisë, jeton dhe punon prej pak vitesh në Danimarkë dhe tashmë me detyrën e re do t’i duhet të zhvendoset në Tiranë.
Muka zëvendëson në këtë post Edvin Demon, i cili u denoncua pikërisht nga Muka për plagjiaturë, për një artikull me titullin “Universitetet dhe transferimi i teknologjisë”, i botuar në vitin 2011.
Akuzat publike bënë që Demo të jepte dorëheqjen nga posti i zëvendësministrit më 19 tetor të këtij viti.
Ndërsa në mbledhjen e 31 Tetorit, qeveria vendosi: “EMËRIM NË DETYRË – Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Z. Taulant Muka emërohet zëvendësministër i Arsimit, Sportit dhe Rinisë. Ky vendim hyn në fuqi menjëherë”.
*Intervista e Mukës në Ora News, pasi u emerua zv/minister i Arsimit
