TIRANE- Disa foto të mbërritura në redaksinë e Opinion nga qytetarë tregojnë se është ndaluar parkimi i automjeteve të dy senset e rrugës tek Unaza e Re. Sipas tyre rruga është me 4 korsi në secilin sens dhe ndalimi i parkimit është i papranueshëm.
Në këtë rrugë zhvillojnë aktivitetin e tyre edhe një sërë biznesesh sidomos në fushën e ndërtimit dhe mungesa e parkimit do të dëmtonte rëndë punën e tyre. Sakaq edhe vetë banorët që kanë shtëpitë aty janë të penalizuar nga ndalimi i parkimit.
Sot po kryhen punimet për vendosjen e këtyre tabelave dhe nga nesër ka sanksione me gjoba dhe marrje te automjetit me karroetrec për të gjitha ata drejtues që parkojnë tek Unaza e Re.
Nuk ka ende një sqarim nga Bashkia e Tiranës për vendosjen e këtyre tabelave.
Zona e Unazës së Re e zhvilluar sëfundmi me pallate për banim dhe objekte biznesi është kthyer ndër më të populluarat në Tiranë. /Opinion.al/
